Amdanom ni
YGC yw’r ymgynghoriaeth sector cyhoeddus fwyaf yng Nghymru, gan weithio gyda rhestr helaeth ac amrywiol o gleientiaid, yn y sector cyhoeddus a phreifat.
Mae YGC yn ymgynghoriaeth amlddisgyblaethol a sefydlwyd gan Gyngor Gwynedd yn 1996. Ni yw’r ymgynghoriaeth fwyaf yng Nghymru sy’n cael ei rhedeg gan Awdurdod Lleol, gan weithio gyda nifer helaeth o gleientiaid yn y sector cyhoeddus, a phreifat.
Rydym yn cynnig amrywiaeth o wasanaethau, sy’n cynnwys:
Dylunio
Adeiladwaith a
cynnal a chadw ffyrdd
Strwythurau
ac adeiladau
Ymateb i risg o lifogydd
mewn ardaloedd arfordirol
Rydym yn sicrhau bod yr amgylchedd yn cael ei ddiogelu wrth ymgymryd â’r holl waith, ac wedi teilwra ein gwasanaethau i gwrdd ag anghenion ein cwsmeriaid.
Rydym wedi ein lleoli yng Ngwynedd, yng ngogledd Cymru dros dri lleoliad, sef ein prif swyddfa yng Nghaernarfon a swyddfeydd ym Mhwllheli a Dolgellau.
Ar ôl datblygu perthynas waith agos â nifer o gleientiaid ledled Cymru, rydym yn ymfalchïo yn ein dull cydweithredol o weithio’n rhanbarthol er mwyn darparu’n lleol.
Mae ein timau amlddisgyblaeth sy’n cynnwys peirianwyr, penseiri, syrfewyr, arbenigwyr llifogydd ac amgylcheddol yn ymroddedig i ddod o hyd i’r atebion mwyaf arloesol a phriodol i ddiwallu anghenion ein cleient.
Rydym yn darparu gwasanaethau costau, amcangyfrifo, caffael, rheoli prosiect a gwasanaethau ymgynghoriaeth arbenigol eraill i gleientiaid o’r sector cyhoeddus a phreifat. Mae ein tîm yn darparu gwasanaeth cynhwysfawr o ymgynghori arbenigol ar adeiladu a pheirianneg gyda sylw penodol i optimeiddio risg y cleient, gwella ymwybyddiaeth o werth, a sicrhau goruchwyliaeth a manylion costau llawn ar ran y cleient.
Mae gan YGC y sgiliau technegol perthnasol i herio gwaith dylunwyr eraill, sy’n ein galluogi i ymgymryd â rôl cynrychiolydd Cleient, gan hwyluso rheoli prosiect effeithlon ac effeithiol.
Ar hyn o bryd mae YGC yn cyflogi 120 aelod o staff a throsiant blynyddol o tua £ 5.5 miliwn, YGC yw’r ymgynghoriaeth fwyaf o’i fath yn rhanbarth Gogledd a Chanolbarth Cymru. Mae ein staff yn darparu gwasanaeth cyson ac o safon i’r rhanbarth. Mae’r canlyniadau’n cyflawni manteision cymdeithasol ac economaidd i bawb.
Gweithio gyda YGC
Mae YGC wedi sefydlu systemau rheoli, gweithdrefnau a pholisïau er mwyn diogelu:
-
Ansawdd ein gwaith·
-
Yr amgylchedd naturiol·
-
Iechyd a diogelwch ein gweithwyr a phawb arall sy’n cael eu heffeithio gan ein gweithgareddau.
Mae YGC wedi gwneud ymrwymiad sylfaenol i ddim ond gweithio gyda’r rheiny y mae eu safonau’n gyson â’n hunain.
Edrychwch ar ein polisïau:
blank
Polisi Ansawdd
Polisi Iechyd a Diogelwch
Polisi Amgylchedd
DYMA’R POBOL TU ÔL I YGC
The organisation is structured into 6 unit teams that operate across different disciplines.
YGC’s management consists of:
Huw Williams
Penaeth YGC
Emlyn Jones
Uwch Reolwr
Martin Evans
Rheolwr Gwasanaeth
Rheolaeth Adeiladu
Rhys Jones
Rheolwr Gwasanaeth
Technegol
Rhys Williams
Rheolwr Gwasanaeth
Busnes a Chyflawni Prosiect
Gareth Wright
Rheolwr Gwasanaeth
Adeiladu ac Isadeiledd
Rob Williams
Rheolwr Uned
Dŵr ac Amgylchedd
EIN CLEIENTIAID
Dros y blynyddoedd mae YGC wedi datblygu perthynas waith agos gydag ystod eang o gleientiaid sy’n cynnwys:
Gyrfaoedd gyda ygc
Mae YGC wedi sefydlu traddodiad o allu cynnig cyfleoedd gyrfa i’r rhai sy’n dymuno dilyn gyrfa hynod fedrus yn yr amgylchedd adeiledig.
Dros y blynyddoedd, mae YGC wedi buddsoddi’n drwm yn ei staff, gan gynnig y cyfle i ennill cymwysterau academaidd a / neu broffesiynol pellach.
Mae YGC yn frwd dros gynnal cyflogaeth leol ar draws ystod o ddisgyblaethau ac ar hyn o bryd mae dros 80% o’n staff yn byw yng Ngwynedd.
Mae hyn nid yn unig yn golygu ein bod yn gallu cadw pobl fedrus yn y rhanbarth, ond rydym hefyd yn cyfrannu tuag at greu amgylchedd economaidd cynaliadwy trwy sicrhau ein bod yn cadw cyflogaeth leol mewn sectorau heriol a gwobrwyol.
Mae hyn yn sicrhau bod gan y bobl a gyflogwn gydbwysedd da rhwng bywyd a gwaith a gallwn barhau i gyfrannu at wneud y cymunedau lleol yn lleoedd llewyrchus a bywiog i fyw a gweithio.
Drwy weithio i YGC, gallwch elwa o’r canlynol:
Cyfleoedd Gwaith yn YGC.
Rydym yn aml yn chwilio am bobl frwdfrydig ac ymroddedig i ymuno â ni yn YGC.
Os oes gennych ddiddordeb mewn gweithio ar gyfer YGC yna anfonwch gopi o’ch CV at:
ygc@gwynedd.llyw.cymru
Gellir gweld swyddi gwag cyfredol yma…
Hyfforddiant a Datblygiad:
Mae YGC yn cydnabod pwysigrwydd buddsoddi yn ei ased pwysicaf – ei phobl. Gall pob gweithiwr YGC ddisgwyl: ·
- Cyflwyniad ffurfiol ac adolygiad perfformiad blynyddol·
- Amrywiaeth eang o gyfleoedd hyfforddi a datblygu mewnol ac allanol·
- Cyfraniad tuag at aelodaeth cyrff proffesiynol sy’n berthnasol i’r gwaith
Cydbwysedd Gwaith-Bywyd:
Mae sicrhau bod staff yn cael cydbwysedd iach rhwng gwaith a bywyd cartref yn bwysig iawn i YGC. Gall staff fanteisio ar y trefniadau canlynol:
- ·Oriau gwaith hyblyg (lle mae amgylchiadau’n caniatáu)·
- Rhannu Swydd (lle mae amgylchiadau’n caniatáu)·
- Lwfans absenoldeb mamolaeth, tadolaeth a mabwysiadu·
- Seibiant rhiant a gweithio hyblyg i rieni a gofalwyr
Cynllun Pensiwn:
Mae YGC yn gweithredu Cynllun Pensiwn Llywodraeth Leol. Gellir dod o hyd i wybodaeth am y cynllun ar wefan Cronfa Bensiwn Gwynedd.
Buddion Ychwanegol:
Mae yna nifer o fanteision ychwanegol i weithio i YGC, gan gynnwys:
- Cyfle i weithio mewn amgylchedd iaith Gymraeg – Cymraeg yw iaith weinyddol swyddogol YGC.
- Talebau gofal plant, sydd wedi’u heithrio rhag treth ac YG.
- Cynlluniau prynu car a beic â chymorth.
- Digwyddiadau codi ymwybyddiaeth am faterion iechyd a lles.
- Cyfleusterau parcio am ddim.
- Profion llygaid am ddim i staff sy’n defnyddio sgriniau arddangos yn rheolaidd
- Gwasanaeth Cwnsela MEDRA – cynghori am ddim a chyfrinachol ar gyfer staff
