Cleient – Adran Economi a Chymuned – Cyngor Gwynedd 

Mae YGC wedi cwblhau cam allweddol o brosiect cyffrous ym Mharc Padarn, Llanberis – safle sy’n rhan o Dirwedd Llechi Llewyrchus GogleddOrllewin Cymru, Statws Treftadaeth y Byd UNESCO. 

Roedd y prosiect yn cynnwys dymchwel y bloc toiledau presennol a chodi adeilad newydd sbon sy’n cyfuno: 

• Bloc toiledau modern, 

• Swyddfeydd, 

• Ystafell ddehongli, 

• Yn ogystal ag amrywiaeth o waith allanol a draenio. 

Yn ogystal â’i ymrwymiad i safonau dylunio uchel, sicrhaodd YGC fod yr adeilad yn defnyddio paneli solar PV i wella effeithlonrwydd ynni – gan gyd-fynd â nodau cynaliadwyedd y Cyngor. 

Cydweithio mewn lleoliad sensitif 

Fel safle hanesyddol gyda nifer o adeiladau rhestredig a thenantiaid gwahanol o’i gwmpas, roedd angen dull gofalus a chydweithredol. 

Gweithiodd tîm YGC yn agos gyda: 

• CADW, 

• Pensaer cadwraeth y prosiect, 

• Peirianwyr strwythurol a draenio, 

• A Phennaeth Wardeiniaid Parc Padarn. 

Yn ogystal, bu YGC yn gyfrifol am y dyluniad manwl, yr NBS llawn, y dogfennau contract, a’r rôl Uwch Ddylunydd. 

Canlyniadau cadarnhaol 

Er bod y prosiect yn cynnwys sawl elfen gymhleth – o waith dymchwel i beirianneg fecanyddol ac elfennau tirwedd – llwyddodd YGC i sicrhau prosiect esmwyth a chadw’r gwaith o fewn y gyllideb. 

Cynhaliwyd: 

• Ymweliadau safle wythnosol, 

• Cyfarfodydd cynnydd misol, 

• A chydweithio clos â’r contractwr a’r tîm tirwedd. 

Mae’r adeilad newydd, sy’n defnyddio deunyddiau naturiol i weddu tirwedd, bellach yn ychwanegu at brofiad ymwelwyr Parc Padarn. Mae’r gwaith allanol i’w gwblhau erbyn Chwefror 2026. 

Gyda gwerth contract o £1.81m, mae’r prosiect yn dyst i’r hyn sy’n bosibl drwy gynllunio trylwyr, cyfathrebu clir a chydweithio agos. 

Mae’n enghraifft arall o sut mae YGC yn darparu gwasanaeth proffesiynol o’r radd flaenaf.