Bu i YGC gael ei sefydlu yn rhan o addrefnu Llywodraeth Leol yn ôl yn 1996, mi wnaeth YGC a fy rôl fel pennaeth ddechrau’r un flwyddyn gyda llai na 40 o aelodau staff. Yr unig ddau nôd adeg hynny oedd bod yr ymgynghoriaeth o ddewis i gleientiaid a thyfu i fod yn un o’r rhai mwyaf llwyddiannus yng Ngogledd Cymru. Dros amser rydym wedi llwyddo i fod yn Ymgynghoriaeth blaengar, llwyddiannus gyda dyfodol cadarn.
Staff yw cryfder ac enaid YGC. Un o’r uchelbwyntiau fy ngyrfa yw’r pleser o dyfu YGC a chyflogi staff lleol mewn swyddi medrus sydd yn galluogi nhw a’i theuluoedd i aros yn eu cynefin, sydd yn ei dro yn cefnogi’r economi leol.
‘Rydym ni fel Adran wedi cael pleser mawr yn cydweithio gyda chi fel cleientiaid, partneriaid, contractwyr ac ymgynghorwyr, ag defnyddio ein holl sgiliau fel tîm, a ddim wedi bod ofn ehangu ein gweledigaeth i gwrdd â gofynion feysydd gwaith newydd e.e. newid hinsawdd a’r effaith ar gymunedau. Mae diwylliant iach yma o fewn YGC a’r gallu i gydweithio yn sail bositif at y dyfodol.
I fi mae’r amser wedi hedfan heibio, ac rwyf yn falch iawn o’n llwyddiant a’n gallu i guro sawl gwobr. Felly i gloi, diolch i chi am eich cyfeillgarwch, drwy gydweithio ar lefel gwaith, a hefyd ar lefel bersonol.
Nawr, mae’r her y dyfodol gyda Steff fel Pennaeth, a’r gefnogaeth gan ei dîm rheoli profiadol, ac mi fyddant a holl staff YGC yn edrych ymlaen at gydweithio gyda chi er mwyn i bawb gael llwyddiant a mynd o nerth i nerth.
Cofion gorau, Huw
